Newyddion/ News
Daeth pawb i’r ysgol yn gwisgo dillad coch, gwyn a gwyrdd. Dechreuwyd y diwrnod gyda gwasanaeth arbennig. Cynhaliwyd weithgareddau yn seiliedig a’r yr Urdd ac hefyd coch, gwyn a gwyrdd. Codwyd £112 tuag at yr Urdd.
Treulioddd Bl. 3 ddau ddiwrnod llawn iawn yng Ngwersyll yr Urdd Llangrannog. Cafwyd amser arbennig yn gwneud pob math o weithgareddau, ac yn cymdeithasu â phlant o ysgolion eraill. Dychwelodd pawb i’r ysgol drannoeth ychydig yn flinedig, ond wedi cael amser bythgofiadwy.
Soniwyd am hanes y Fari Lwyd gyda disgyblion blwddyn 1 a 2 a chynhaliwyd weithgareddau yn y dosbarth yn seiliedig a’r yr hanes.
Cafodd disgyblion y dosbarth meithrin a derbyn hanes traddodiadau’r flwyddyn newydd ac am greu ‘perllan’ gan Nia Llywelyn. Crewyd ’perllan’ gan y plant yn dilyn y sgwrs.
Diolch i aelodau Rotari Bae Ceredigion am ofyn i’r plant eu cynorthwyo wrth greu anrhegion Nadolig i drigolion Min y Môr. Cafwyd diwrnod prysur yn coginio cacennau Nadolig a addurno potiau cyn plannu bylbiau. Aeth cynrychiolaeth o’r ysgol i Min y Môr i ddosbarthu’r anrhegion. Gobeithio bydd y cacennau yn flasus.
Rhoddwyd llwyfan i leisiau dyfodol Ceredigion wrth i aelodau Cyngor yr Ysgol a chynghorau ysgolion cynradd clwstwr Aeron ymuno am brynhawn yn y Siambr ym Mhenmorfa. Cafwyd y cyfle i ofyn cwestiynau i Aelodau a Swyddogion y Cyngor a thrafod y posibilrwydd o newid i drefn gwyliau Ysgol newydd. Cafwyd brynhawn ysbrydoledig iawn.
Ymwelodd holl blant y Dysgu Sylfaen â Theatr Felinfach i wylio’s sioe Swyn. Roedd y sioe yn seiliedig ar y llyfr ‘Whimsy’ gan Krystal S. Lowe. Taniwyd dychymyg y plant drwy stori a dawns. Diolch i Gyngor Celfyddydau Cymru am y grant tuag at costau’r ymweliad.
Fel rhan o waith blynyddoedd 5 a 6 a’r y galon, aethant am dro o gwmpas Aberaeron yn edrych ar leoliadau deffibriliwr. Daethant o hyd i 8 deffibriliwr o amgylch y dref. Ymwelodd Rhodri a Pauline o Wasanaeth Ambliwlas Cymru i roi sesiwn diffibriliwr i’r plant. Cafodd pawb cyfle i weld sut mae defnyddio diffibriliwr ac hefyd sesiwn ymarferol a’r ailgychwyn y galon. Mwynheuodd pawb cyfle a diolch i Rhodri a Pauline am roi o’u hamser.
Teithiodd disgyblion blwyddyn 5 i’r Ffair Aeaf yn Llanelwedd. Yn y bore cymerwyd ran yn sesiwn ‘Ein Tir’ lle cafwyd cyfwynaid gan Michael Kennard o’r ‘Compst Club’ ac yna gan Adam Jones o Adam yn yr ardd. Yn y prynhawn cafwyd y cyfle i gerdded o amgylch y sioe yn gweld yr anifeiliaid, gwylio’r cystadlaethau, siôpa a bwyta. Mwynheuodd pawb y diwrnod a dychwelwyd wedi blino’n lân
Derbyniodd tîm pêl-droed merched a bechgyn blynyddoedd 5 a 6 yr Ysgol wahoddiad i ymuno ag Ysgol Gynradd Aberteifi mewn prynhawn o hwyl yn chwarae gêmau o bêl-droed. Diolch yn fawr iddynt am y gwahoddiad, fe wnaeth pawb fwynhau.
Llongyfarchiadau i dîm pêl-rwyd merched yr Ysgol am ddod yn 2il yng nghystadleuaeth pêl-rwyd merched yr Urdd rownd gogledd Ceredigion. Chwaraewyd yn arbennig o dda a diolch i Miss Davies am eu hyfforddi.
Fel rhan o brosiect ymchwil Natalie Chapman o Galeri Gwyn a’i thad George Chapman, bu disgyblion blwyddyn 4 yn ymweld â Galeri Gwyn i edrych a’r waith celf Geroge Chapman. Daeth Natalie i’r ysgol i gynnal dau sesiwn celf gyda’r plant lle buont yn creu bathodynnau a collage. Diolch yn fawr iawn am y cyfle